Loading...

MEER OOR ONS

Die ekspo’s wat op hierdie webtuiste gelys word, word gewoonlik georganiseer as ‘n gesamentlike poging tussen ’n plaaslike of provinsiale tuisonderwysgroep, SA Homeschoolers en KragDag, as die verantwoordelike entiteit vir administratiewe en logistieke bestuur.

SA Homeschoolers, ‘n ou bekende naam onder die tuisskoolgemeenskap in Suid-Afrika, bemagtig ouers om die beste onderrig vir hul kinders te kies. Die webwerf (www.sahomeschoolers.org) is sedert Januarie 2011 aktief en is gevestig as die mees omvattende onafhanklike webwerf oor tuisonderrig in Suid-Afrika. Die tydskrif, Fair Lady het die volgende in ‘n artikel oor tuisonderrig geskryf: “….so many people recommended the SA Homeschoolers website that I’ve included it in the piece as a trusted resource for people wanting more information.” Die webwerf word ondersteun deur en is geïntegreer met ‘n Facebook-bladsy en ‘n YouTube-kanaal.

KragDag (www.kragdag.co.za) is die funksie-organiseerders wat sedert 2013 die provinsiale tuisskool-expos in Suid-Afrika organiseer in samewerking met SA Homeschoolers. Aanvanklik is ‘n jaarlikse ekspo net in Johannesburg aangebied, maar dit het uitgebrei totdat ekspos in 2019 in KZN, Kaapstad en Gauteng aangebied is. KragDag bied ook die jaarlikse KragDag- ekspo oor alternatiewe energie en selfonderhouding aan, 20km oos van Pretoria. In 2019 het hierdie ekspo 21 400 besoekers en 440 uitstallers gelok.