Loading...

“ONDERWYS IS NIE DIE VOLMAAK VAN ‘N EMMER NIE, MAAR DIE AANSTEEK VAN ‘N VUUR”

– WILLIAM BUTLER YEATS

Hoër Kwaliteit Onderrig

Ontwikkel jou kind se passie

Groter Verskeindenheid leermateriale

Leer teen jou eie pas

Leer as ‘n familie saam

Ontwikkel verantwoordelikheid

In Suid-Afrika en wêreldwyd neem ons ‘n veranderende paradigma oor opvoedkunde waar. In herbesinning oor die toekomsgereedheid vir hulle kinders en die opneem van self-verantwoordelikheid, beweeg al meer ouers weg van staatsbeheerde onderwys na ander alternatiewe. Dit is veral sigbaar in die snelgroeiende beweging na tuisonderwys – Suid-Afrika is onder die top vyf lande in die wereld wat tuisskolergetalle betref.



Bogenoemde was reeds die geval voor Covid-19, maar grendelstate het oornag vir gesinne reg oor die wereld aan ‘n tuisonderwyservaring blootgestel – sommige dalk net vir die duur van gedwonge inperking, maar daar is ook verskeie wat aangedui het dat hulle ten minste die res van 2020 daarmee gaan volhou.

Daar is tans ‘n groot behoefte aan inligting oor hantering van noodtuisonderwys om hierdie jaar deur te sien totdat omstandighede dalk so genormaliseer het dat kinders (moontlik) weer hulle skoolbywoning volgende jaar kan hervat. Ons kan egter ook verwag dat ‘n groot getal gesinne nooit weer na die voor-korona bedeling gaan terugkeer nie.

Deur die loop van die jaar word verskeie alternatiewe onderwys ekspo’s aangebied om inligting te verskaf aan nuwe belangstellendes, voornemende tuisonderwysgesinne, bestaande tuisskolers, tuisleerders wat ’n matriekkwalifikasie wil behaal en jong volwassenes uit tuisskoolgesinne wat opsoek is na verdere of tersiêre opleiding.Vanjaar word vir die heel eerste keer in Suid-Afrika ook ‘n aanlyn tuisonderwys ekspo gereël. Natuurlik veroorsaak dit sekere beperkings op van die voordele van ‘n fisiese ekspo, maar ons is veral opgewonde oor die geleenthede wat hierdeur ontsluit word – aanlyn en virtueel het mos nie grense nie. In opvolg van die Afrika Tuisonderwys Indaba, waarvan ons verlede jaar mede-organiseerders was, sal ons met die aanlyn ekspo, behalwe vir gesinne in Suid-Afrika, ook die res van Afrika bedien. Dit bied boonop vir ons die geleentheid om aan ekspogangers die voordeel te verskaf van internasionale sprekers, -kundigheid en -betrokkenheid.

Nog ‘n nuwe inisiatief vir hierdie jaar is dat die Gauteng Ekspo, wat DV in Oktober 2020 plaasvind, vir die eerste keer nie net ‘n tuisonderwys ekspo sal wees nie, maar uitgebrei word om vir enige alternatiewe (nie staat) onderwys voorsiening te maak. Dit sluit dus privaatskole, tersiêre instansies en selfs kindontwikkelingsondersteuningsdienste in.

Opkomende Ekspo’s

Aanlyn Tuisonderwys Ekspo – Afrika 2020

Datum: Dinsdag – Saterdag 13 – 17 Oktober 2020
Plek: Aanlyn (www.homeschoolexpo.africa)
Koste: Gratis
Lees meer….

KragDag Opvoedkunde Sub-Ekspo 2020

Datum: Donderdag – Saterdag 3 – 5 Desember 2020 (09:00 – 16:00)
Plek: KragDag Terrein (Rhenosterfontein 514 JR Gedeelte B, Cullinan Distrik, 1001)
Koste: R100 per volwassene (Kinders tot 18 jaar is gratis)
Lees meer….

CHE Tuisonderwys Ekspo 2021

Datum: Saterdag 20 Februarie 2021 (9:00 – 15:00)
Plek: Stellenberg NG Gemeente (Edelweis Rd & Mountain View Drive, Stellenberg, Kaapstad)
Koste: R80 per volwassene (Kinders tot 18 jaar is gratis)
Lees meer….

Gauteng Alternatiewe Onderwys Ekspo 2020

Datum: Saterdag 6 Maart 2021 (9:00 – 15:00)
Plek: Heartfelt Arena (1000 Voortrekker Rd, Thaba Tshwane, Pretoria)
Koste: R80 per volwassene (Kinders tot 18 jaar is gratis)
Lees meer….

KwaZulu-Natal Tuisonderwys Ekspo 2021

Datum: As gevolg van die Covid-19 regulasies is die ekspo vir 2020 afgestel. Die datum vir 2021 se ekspo sal later aangekondig word.
Lees meer….

Karoo Tuisonderwys Mini Ekspo 2021

Datum: Die volgende Karoo Tuisonderwys Mini Ekspo sal in 2021 aangebied word, op ‘n datum wat later aangekondig sal word.
Lees meer….